पाल्पा–बुटवल सडकः फेरि गयो नयाँ ठाउँमा पहिरो

पाल्पा ।
पाल्पा बुटवल सडक अवरुद्ध छ । सिद्धार्थ राजमार्गमा पर्ने तानसेन–८, गौडेपुलमा ठूला ढुङ्गा सहितको पहिरो खसेपछि अवरुद्ध सडक खुल्न केही दिन लाग्ने जिल्ला प्रहरी कार्यालय पाल्पाले जनाएको छ ।

पहिरो हटाउने काम तीव्र रुपमा भए पनि माथिबाट पहिरो खस्न नरोकिएकाले वैकल्पिक बाटो अपनाउन जिल्ला प्रहरी कार्यालय पाल्पाले आग्रह गरेको छ ।

सडकको ‘बेस’लाई नै पहिरोले बगाएकाले पूर्ण रुपमा पहिरो हटाइ बाटो सञ्चालन हुन केही दिन लाग्ने प्रहरीको भनाइ छ ।

गौडेपुलमा गएको पहिरो हटाउने काम भैरहेको बेला आइतबार बिहान फेरि दोभान बजार नजिक पैठेडाँडामा ठूला ढुङ्गा सहितको पहिरो झरेको प्रहरीले जनाएको छ ।