एफ एक कपको उपाधि चुम्ने सिटीको सपनामा आर्सनल बाधक

एजेन्सी । म्यान्चेष्टर सिटीलाई हराउँदै आर्सनल एफ ए कप फुटबलको फाईनलमा प्रवेश गरेको छ ।शनिबार राति सेमिफाईनलको खेलमा आर्सनलले सिटीलाई २–० गोल अन्तरले हराएको हो ।

लण्डन क्लबको जितमा पियरिक ईम्रिक अबुमियाङले दुवै गोल गरेका थिए । घरेलु मैदानमा निकोलास पेपेको क्रसलाई उपयोग गर्दै १९ औं मिनेटमा अबुमियाङले आर्सनललाई अग्रता दिलाएका थिए ।

बल पोजिसनमा सिटीले दबाब बनाएपनि अबुमियाङले ७१ औं मिनेटमा दोस्रो गोल गर्दै आर्सनलको जित सुनिश्चित गरेका थिए ।

सिटीको सहायक प्रशिक्षकको जिम्मेवारी छाड्दै मिकेल अर्टेटा गत डिसेम्बरमा आर्सनल आएका थिए । उनले पहिलो सिजनमै पूर्व क्लब सिटीलाई हराउँदै लण्डन क्लबलाई उपाधिको नजिक पुर्याएका छन् ।

आर्सनलले अब अगष्ट १ मा चेल्सी र म्यान्चेष्टर नाईटेडबीचको विजेतासंग उपाधिका लागि प्रतिस्पर्धा गर्नेछ ।