खोलाले बगाएर बेपत्ता भएका पुरुष मृत भेटिए

पाल्पा ।
पाल्पामा रिडी खोला तर्ने क्रममा बेपत्ता भएका पुरुष मृत भेटिएका छन् ।

शुक्रबार बेलुकी रैनादेवी छहरा गाउँपालिका ३ पट्टाचौरको रिडी खोला तर्ने क्रममा बेपत्ता भएका अर्घाखाँची सन्धिखर्क नगरपालिका ८ किमडाँडाका ४० वर्षीय देवबहादुर मुखिया शनिबार दिउँसो मृत अवस्थामा भेटिएका हुन् ।

जिल्ला प्रहरी कार्यालय पाल्पाका अनुसार गुल्मी छत्रकोट गाउँपालिका ५ मनबाहाकको रिडी खेलामा मृत भेटिएका मुखियाको शव पोस्टमार्टमपछि परिवारको जिम्मा लगाउने तयारी भइरहेको प्रहरीले जनाएको छ ।