मायादेवी अनलाइन, चार नम्बर ।
लाइन्स क्लव कपिलवस्तुको पदभार ग्रहण कार्यक्रम भएको छ । शनिबार वाणगंगा नगरपालिकाको मायादेवी रिसोर्टमा भएको कार्यक्रममा नव निर्वाचित पदाधिकारीले पदभार ग्रहण गरेका हुन् ।
लाइन्स क्लबको अध्यक्षमा सुरेन्द्र घिमिरे निर्वाचित हुनुभएको छ । २०२१ को लागि अध्यक्षमा निर्वाचित घिमिरेलाई २०१९÷०२० का अध्यक्ष कुमार खड्काले पद हस्तान्तर गर्नुभएको थियो ।
क्लबको जोन चेयर पर्सनमा कृष्ण बहादुर खत्री, आइ पी पीमा कुमार खड्का, प्रथम उपाध्यक्षमा धातानन्द भुसाल, द्धितीय उपाध्यक्षमा केशव सापकोटा, तृतीय उपाध्यक्षमा राम बहादुर क्षेत्री, सचिवमा रामसुभागे थारु, कोषाध्यक्षमा सागर घिमिरे लगायत निर्वाचित हुनुभएको थियो ।
पदभार ग्रहण गर्दै अध्यक्ष घिमिरेले आफ्नो कार्यकालमा एम्वुलेन्स खरिद गर्ने घोषणा गर्नु भएको छ । उक्त अवसरमा शिव तुलसा लाइन्स छात्रवृत्ती वितरण पनि प्रदान गरिएको थियो । शनिबार भएको लाइन्स क्लब कपिलवस्तुको पदभार ग्रहण तेस्रो हो । लाइन्सको संस्थापक अध्यक्ष कृष्ण केसी रहनुभएको छ ।
साथै शनिबार नै कपिलवस्तुमा लाईन्स क्लव अफ कपिलवस्तु दिदीविहिनी पनि गठन गरिएको छ । जसको अध्यक्षमा लक्ष्मी गैरे निर्वाचित हुनुभएको छ। कार्यक्रममा प्रमुख अतिथि डिष्ट्रिक गर्भनर, शम्भु नर्कमी, बिशिष्ठ अथिति लायन भाइस डिजी राम प्रसाद भट्ट, लायन्स क्लव रुपन्देहीका चार्टर प्रेसिडेन्ट तथा लुम्बिनी प्रादेशिक अस्पतालका अध्यक्ष सूर्य बहादुर भूषाल, जिल्लाका संस्थापक अध्यक्ष तथा जोन चेयर पर्शन कृष्ण केसी लगायत सहभागी भई महत्वपूर्ण भनाई राख्नु भएको थियो ।
प्रतिक्रिया