कास्कीमा पहिरो, एकै परिवारका तिन जनाले अकालमै ज्यान गुमाए

कास्की ।
कास्कीको माछापुच्छ्रे गाउँपालिका ८ मा पर्ने खोरको मुखमा पहिरोले घर पुरिंदा तीन जनाको ज्यान गएको छ ।

अविरल वर्षासँगै घर माथिबाट आएको पहिरोले प्रेमराज बिकको घर पुरिंदा उहाँका नाति र नातिनाको ज्यान गएको प्रहरीले जानकारी दिएको छ ।

पहिरोमा परेर प्रेमराज बिकका १६ वर्षीय नाति कुशल, नातिनी १६ वर्षीया रोजिना र नाती १४ वर्षीय समीरको ज्यान गएको जिल्ला प्रहरी कार्यालय कास्कीका प्रवक्ता सुवास हमालले जानकारी दिनुभयो ।

प्रेमराज र उहाँकी श्रीमती सकुशल रहेको उहाँले जानकारी दिनुभयो । प्रेमराजको छोरा बुहारी घरमा नभएकाले सुरक्षित रहेकोे प्रहरी प्रवक्ता हमालले जानकारी दिनुभयो ।