विप्लवका पूर्वी कमान्ड इन्चार्ज पक्राउ

काठमाडौं ।
नेत्रविक्रम चन्द (विप्लव) नेतृत्वको नेकपाका पूर्वी कमान्डका सैन्य इन्चार्ज मोरङबाट पक्राउ परेका छन् ।
कालीकोट फेनेलीका स्थायी बासिन्दा ४० वर्षीय नन्दकिशोर भन्ने नन्दबहादुर बोहोरा उर्लाबारी नगरपालिका ३, मंगलबारेमा रहेको आफ्नै घरमा लुकीछिपी बसेको अवस्थामा पक्राउ परेको मोरङ प्रहरीले जनाएको छ ।
उनको साथबाट पेस्तोल तथा विस्फोट पदार्थसहित सामग्री बरामद भएको बताइएको छ ।
बोहरोलाई १ नम्बर प्रदेश प्रहरी कार्यालय विराटनगर र जिल्ला प्रहरी कार्यालय मोरङको संयुक्त प्रहरीले टोलीले मंगलबार पक्राउ गरेको हो ।