सिन्धुपाल्चोकमा पहिरोः दुईको शव फेला, १८ जना बेपत्ता

सिन्धुपाल्चोक ।
सिन्धुपाल्चोकको बाह्रबिसे नगरपालिका ३ जम्बु बजारमा गएराति ठूलो पहिरो गएको छ ।
पहिरोमा परेर १८ जना बेपत्ता भएका नगरपालिकाका प्रमुख निमफुन्जो शेर्पाले जानकारी दिनुभयो ।
दुई जनाको शव समेत फेला परेको छ । २०, २२ वटा घरमध्ये ३र४ वटा बाहेक अरु पहिरोले लगेको पनि शेर्पाले बताउनुभयो । त्यहाँको पक्की पुलसमेत बगाएको छ । जुरे, बाह्रबिसे लगायतका क्षेत्रमा सडक अवरुद्ध भएको छ ।
बेपत्ताको खोजी र उद्धारको काम भैरहेको नगर प्रमुख शेर्पाले बताउनुभयो ।