गजेहडामा स्थायी प्रहरी चौकीको स्थापना

मायादेवी अनलाइन, चार नम्बर ।
कपिलवस्तुको बाणगंगा नगरपालिका ४ गजेहडामा स्थायी प्रहरी चौकीको उद्घाटन भएको छ । गजेहडा चोकमा अस्थायी रुपमा सुरक्षा प्रदान गर्दै आइरहेकोमा बुधबारबाट स्थायी रुपमा प्रहरी चौकी स्थापना भएको हो । नगरपालिकाका उप मेयर चक्र अर्याल र इलाका प्रहरी कार्यालय पिपराका प्रहरी नीरिक्षक आयूष प्रसाद जोशीले चौकीको उद्घाटन गर्नु भएको थियो । स्थायी रुपमा चौकी उद्घाटन भए पछि जनताले सहज रुपमा सुरक्षाको महसुस गर्न पाउने जोशीले विश्वास लिनु भएको छ । सर्वसाधारणले पनि त्यहाँ स्थायी चौकीको माग गर्दै आइरहेका थिए ।