रुपन्देहीमा पौडी खेल्ने क्रममा बेपत्ता युवक मृत फेला

बिष्णु कुमार आले, अर्घाखाँची ।
रुपन्देहीको कञ्चन खोलामा पौडी खेल्ने क्रममा शुक्रबार खोलामा डुबेर बेपत्ता भएका एक युवकको शव फेला परेको छ । साथीहरू सगै पौडी खेल्ने क्रममा कञ्चन खोलामा डुबेर बेपत्ता भएका कञ्चन गाउँपालिका वडा ४ रूद्रपुर निवासी टेकबहादुर थापाका १८ वर्षिय छोरा अर्जुन थापाको शव फेला परेको जिल्ला शसस्त्र प्रहरी प्रमुख एसपी तेज प्रसाद पोखरेलले जानकारी दिए ।
उनी लुम्बनी ज्ञान निकतन मा.वि.मा कक्षा ११ मा अध्ययनरत विद्यार्थी हुन् । थापाको पौडी खेलेको ठाउँ भन्दा एक किलोमिटर टाढा दक्षिण तर्फ पानीमा तैरिरहेको अवस्थामा शव फेला परेको प्रहरीले जनाएको छ । अहिले सवलाई पोष्टमाट्मका लागी लुम्बिनी प्रादेशिक अस्पताल बुटवलमा ल्याएको एसपी पोखरेलले बताए । घटनाबारे थप अनुसन्धान भईरहेको छ ।