सुरु भयो बुद्धभूमि नगरपालिकाको सातौं नगरसभा (तस्बीरमा)

मायादेवी अनलाइन, चार नम्बर ।

बुद्धभूमि नगरपालिकाको सातौं नगरसभा गोरुसिंगेमा सुरु भएको छ । दिउँसो १ बजेदेखि सुरु भएको नगरसभामा नगर प्रमुख केशव कुमार श्रेष्ठले आव ०७७÷०७८ को नीति तथा कार्यक्रम प्रस्तुत गर्नुहुने छ ।

आव ०७७÷०७८ को बजेट ल्याउने तयारीमा रहेको नगरपालिकाले नीति तथा कार्यक्रम प्रस्तुत गर्न लागेको हो ।
रेडियो मायादेवीको बजेट बहस कार्यक्रममा विहान बोल्दै नगर प्रमुख केशव कुमार श्रेष्ठले यो बर्ष नगरभित्र १५ शैयाको अस्पताल निर्माण गर्ने तयारी भएको जानकारी दिनुभएको थियो ।

नगरभित्र अस्पतालको अभावले समस्या भैरहेको भन्दै नगर प्रमुख श्रेष्ठले १५ शैयाको अस्पताल बनाउने गरी बजेटमा व्यवस्था मिलाएको बताउनुभयो । कोभिड–१९ ले स्वास्थ्यप्रति गम्भीर बनाएको भन्दै आगामी दिनमा आउने जुनसुकै महामारीसंग जुध्ने गरी नगरले स्वास्थ्यको क्षेत्रमा बजेट विनियोजन गर्ने उहाँले बताउनुभयो ।