नेपालमा कोरोना संक्रमित आठ हजार नाघे, एकै दिन ४२६ जना थपिए

मायादेवी अनलाइन, चार नम्बर ।
नेपालमा कोरोना भाइरस (कोभिड-१९) का संक्रमित ८ हजार नाघेका छन् । देशका ७४ जिल्लामा फैलिएको कोरोना संक्रमित पछिल्लो चौविस घण्टामा ४ सय २६ जना थपिएका छन् ।

योसंगै नेपालमा कोरोना संक्रमितको संख्या ८ हजार २ सय ७४ पुगेको हो ।

स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा कसैले पनि ज्यान नगुमाएको बताउनुभयो ।

शुक्रबार २ सय १६ जना डिस्चार्ज भएका छन् । हालसम्म १४ सय २ जना कोरोना संक्रमण निको भई डिस्चार्ज भएका छन् ।