कोस्टाको गोलमा एट्लेटिको बराबरी

एजेन्सी ।
स्पेनिस ला लिगा फुटबलमा एट्लेटिको मड्रिड बराबरीमा रोकिएको छ । कोरोना भाईरसको महामारीले स्थगित लिग सुचारुपछिको पहिलो खेलमा एट्लेटिको एथ्लेटिक बिल्बाओसँग १-१ गोलको बराबरीमा रोकिएको हो ।

बिल्बाओको मैदानमा एक गोलले पछि परेको स्थगित उल्टाएर एट्लेटिकोले बराबरी खेलेको हो ।

खेलको ३७ औं मिनेटमा इकर मुनियनले गोल गर्दै बिल्बाओलाई सुरुवाती अग्रता दिलाएका थिए ।

तर, खेलको ३९ औं मिनेटमा डिएगो कोस्टाले गोल गर्दै एट्लेटिकोलाई हारबाट जोगाए ।

बिल्बाओविरुद्धको गोल कोस्टाले एट्लेटिको महिला टिमकी सदस्य भिर्जिनिया टोरेसिलालाई समर्पित गरेका थिए ।

स्पेनिस राष्ट्रिय टिमकी मिडफिल्डर समेत रहेको उनको गत मे महिनामा ब्रेन ट्युमरको शल्यक्रिया गरिएको छ ।

बिल्बाओसँगको बराबरीसँगै एट्लेटिकोले २८ खेलमा ४६ अंक जोडेको छ । एट्लेटिको लिगको छैटौं स्थानमा रहेको छ ।

३८ अंक जोडेको बिल्बाओ लिगको दशौँ स्थानमा रहेको छ ।