कोरेन्टिनो अनुबन्धको तयारीमा युनाइटेड

एजेन्सी ।
प्रिमियर लिग क्लब म्यान्चेस्टर युनाइटेड अहिले एक उत्कृष्ट खेलाडी अनुबन्धको तयारीमा छ । त्यसका लागि क्लबले हाल विश्व फुटबलमा चर्चा कमाउन सफल खेलाडीहरू अनुबन्ध गर्न खोजिरहेको छ ।

जस अनुसार युनाइटेडले हाल जर्मन बुन्डेस लिगा क्लब वायर्न म्युनिखका मिडफिल्डर कोरेन्टिनो टोलिसोलाई अनुबन्ध गर्न खोजिरहेको बताइएको छ । वायर्नले पनि क्लबका खेलाडी बेच्न चाहना देखाएपछि युनाइटेड अघि सरेको हो ।

सन् २०१७ मा वायर्न म्युनिख गएका उनले ४१ लिग खेल्दै ८ गोल गरेका छन् । फ्रान्सका लागि भने उनले २१ खेल खेल्दै एक गोल गरेका छन् । उनले बुन्डेस लिगामा गरेको खेल प्रदर्शनका आधारमा युनाइटेडले अनुबन्ध गर्ने चासो देखाएको हो ।