कपिलवस्तुमा थप ७ जनामा कोरोना संक्रमण पुष्टि

मायादेवी अनलाइन, चार नम्बर ।
कपिलवस्तुमा थप ७ जनामा कोरोना भाइरस (कोभिड-१९)को संक्रमण पुष्टि भएको छ । प्रदेश जनस्वास्थ्य प्रयोगशाला, भैरहवामा गरिएको नमुना परिक्षणमा थप ७ जनामा कोरोना पोजेटिभ देखिएको हो ।

जिल्लाको यशोधरा गाउँपालिकाका २ महिलासहित ५ जना पुरुषमा संक्रमण पुष्टि भएको स्वास्थ्य कार्यालय कपिलवस्तुले बुधबार दिउँसो जानकारी दिएको छ ।

संक्रमण पुष्टि हुनेहरुमा गाउँपालिकाको वडा नं. ४ का २३, २९, ३२, ५५ बर्षीय चार जना पुरुष, वडा नं. ३ का २८, ४० बर्षीया दुई जना महिला र ४२ बर्षीय एक पुरुषमा संक्रमण पुष्टि भएको छ ।

बुधबार ७ जना संक्रमित थपिएसंगै यशोधरा गाउँपालिकामा संक्रमितको संख्या १ सय ५९ पुगेको छ । साथै जिल्लाभर कूल संक्रमितको संख्या ५ सय ७३ पुगेको स्वास्थ्य कार्यालयले जनाएको छ ।