पोग्बा र फर्नान्डेस युनाइटेडका भविष्य

एजेन्सी ।
प्रिमियर लिग क्लब म्यान्चेस्टर युनाइटेडका मिडफिल्डर पाउल पोग्बा र ब्रुनो फर्नान्डेसको मिडफिल्डर जोडी उत्कृष्ट भएको गेरी नेविले बताएका छन् ।

उनले दुवै जनाको जोडी हाल प्रिमियर लिग फुटबलमा देखिने उत्कृष्ट जोडीका रूपमा रहेको बताएका हुन् । लिगमा युनाइटेडले पाएको सफलताका पछि दुवै खेलाडीको महत्त्वपूर्ण भूमिका रहेको पनि उनले बताए ।

फर्नान्डेस यो सिजन मात्र पोर्चुगिज क्लब स्पोर्टिङ सीपीबाट युनाइटेडमा आएका छन् । उनले युनाइटेडका लागि पाँच लिग खेल खेलेर दुई गोल गरिसकेका छन् ।

म्यान्चेस्टर युनाइटेडका पूर्व डिफेन्डर गेरी नेभिल्लेले उनीहरू प्रिमियर लिगमा पछिल्लो सयम देखिएका उत्कृष्ट मिडफिल्डर जोडी भएको बताएका छन् ।

“उनीहरूले एकअर्कालाई गरेको सहयोगको विषयमा हेर्नु पर्दा । उनीहरू पछिल्लो समय प्रिमियर लिगका उत्कृष्ट जोडी हुन्,” गेरीले भने ।

गेरीले फर्नान्डेस र पोग्बा हाल युनाइटेडको भविष्य जस्तै भएको बताएका छन् । उनले युनाइटेडले यी दुवै खेलाडीलाई अन्तिमसम्म क्लबमा राख्‍न सकेमा राम्रो हुने बताए ।