रुपन्देहीमा कोरोना संक्रमित १ सय १२ पुगे, थपिए ५ जना

रुपन्देही ।
रुपन्देहीमा शनिबार ५ जना कोरोना संक्रमित थपिएका छन् । प्रदेश जनस्वास्थ्य प्रयोगशाला भैरहवामा गरिएको परीक्षणमा रुपन्देहीका ५ जनामा कोरोना पोजेटिभ देखिएको हो ।

रुपन्देहीका ५ जना मध्ये ओमसतिया गाउँपालिकाका एक जना, ओमसतिया गाउपालिकाका एक जना, शुद्धोधन गाउँपालिकाका २ जना र लुम्बिनी प्रादेशिक अस्पतालमा भर्ना भएका एकजना विरामीमा कोरोना पुष्टि भएको हो ।

ओमसतिया गाउंपालिका वडा नं ३ का १९ बषिर्य पुरूष, रोहिणी गाउंपालिका वडा नं २ का १९ वर्षीय पुरूष, शुद्धोधन गाउँपालिका वडा नं ७ का ३३ र ३८ वर्षीय २ जना पुरूषमा कोरोना पुष्टी भएको हो । योसँगै रूपन्देहिमा कोरोना संक्रमितको संख्या ११२ पुगेको छ ।