भारतबाट अर्घाखाँची आउँदै गरेका एक युवकको बाटोमै मृत्यु

बिष्णु कुमार आले, अर्घाखाँची ।
भारतको गुजरातबाट अर्घाखाँची फर्कदै गरेका एक नेपालीको बाटोमै मृत्यु भएको छ । जिल्लाको भूमिकास्थान नगरपालिका–९ का ३४ वर्षीय कृष्णबहादुर गैरेकोे नेपाल आउने क्रममा भारतको लखनउमा मृत्युु भएको वडा नं. ९ का अध्यक्ष नारायणप्रसाद बन्जाडेले जानकारी दिनुभयो ।

लखनउमा पानी पिएलगत्तै उनको मृत्युु भएको मृतकका साथीहरुले बताएका छन् । मृतक युवाले पानी पिएलगत्तै आफूलाई छटपटी भएको बताएका थिए ।

उनको शव कृष्णनगर सीमाको भारततर्फको बढनीमा रहेको बताइएको छ । उनको स्वाब परीक्षण गराउने तयारी भइरहेको छ ।

दुईवटा बसमा आएका सबैको उद्दार भइरहेको छ भने घटनाको बारेमा थप अनुसन्धान भइरहेको प्रहरीले जनाएको छ ।