मायादेवी अनलाइन, चारनम्बर ।
कपिलवस्तुको वाणगंगा नगरपालिका वडा नं. ४ ठाकुरापुरमा थप एक जनामा कोरोना संक्रमण देखिएको छ ।
शुक्रबार स्वास्थ्य तथा जनसंख्या मन्त्रालयले दिएको जानकारी अनुसार वाणगंगामा भेटिएका ५ कोरोना संक्रमित मध्ये एक जना ठाकुरापुरकी रहेको पाइएको छ ।
उनी ८ बर्षीय बालिका रहेको मन्त्रालयले जनाएको छ । यसभन्दा अगाडी सोही स्थानकी ६ बर्षीया बालिकामा कोरोना देखिएपछि यहाँ स्वाव संकलन लिइएको थियो । त्यस मध्येबाट शुक्रबार एक बालिकामा थप संक्रमण देखिएको हो ।
काठमाडौंमा उपचाररत बालिकालाई कोरोना देखिएपछि ठाकुराबासी र उनलाई काठमाडौं लैजाने ड्राइभरको पिसीआर परिक्षण गरिएको थियो । जसमध्ये सबैको रिपोर्ट नेगेटिभ आएको वाणगंगा नगरपालिकाका स्वास्थ्य शाखा प्रमुख ठगराज पौडेलले मायादेवी अनलाइनलाई जानकारी दिनुभयो ।
प्रतिक्रिया