जेठ २० गतेसम्म लकडाउन थपियो

काठमाडौं ।
गत चैत्र ११ गते देखि सुरु भएको लकडाउन फेरि थप भएको छ । आइतबार बसेको मन्त्रीपरिषदको बैठकले लकडाउन जेठ २० गतेसम्म लम्ब्याउने निर्णय गरेको हो ।

यसअघि बसेको उच्चस्तरीय समन्वय समितिको बैठकले लकडाउन लम्ब्याउनुपर्ने निष्कर्ष निकालेको थियो ।

सरकारले पहिलो पटक चैत ११ देखि १८ गतेसम्म लकडाउन गरेको थियो । त्यसपछि दोस्रो पटक चैत २५ गतेसम्म, फेरि थपेर वैशाख ३ गतेसम्म, त्यसपछि वैशाख १५ र १० दिन थप गर्दै वैशाख २५ गतेसम्म र पछिलो पटक जेठ ५ गतेसम्म लकडाउन थपिएको थियो ।

नेपालमा अहिलेसम्म दुई सय ९५ जनामा सङ्क्रमण पुष्टि भएकोमा ३६ जना उपचारपछि निको भएका छन् ।