रौटहटमा थप १० जनामा कोरोना पुष्टि, नेपालभर संक्रमित पुगे २ सय ९१

मायादेवी अनलाइन, कपिलवस्तु ।
नेपालमा थप १० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले आइतबार दिएको जानकारी अनुसार १० जना थपिएका हुन् । आज थपिएका दश जना नै रौतहट जिल्लाका रहेका छन् ।

आइतबार संक्रमण पुष्टि भएकाहरुमा रौतहटको राजपुर नगरपालिका र इशनाथ नगरपालिकाका रहेका स्वास्थ्य मन्त्रालयका सहप्रवक्ता डाक्टर समिरकुमार अधिकारीले जनाएका छन् । यससँगै रौतहटमा मात्रै संक्रमितको संख्या १३ पुगेको छ । आइतबार थपिएकासंगै नेपालमा कुल संक्रमितको संख्या २ सय ९१ पुगेको छ ।