पेजानिक भित्र्याउने बार्सिलोनाको योजना

एजेन्सी ।
स्पेनिस बार्सिलोना विश्व फुटबलको धनी क्लब मध्येको एक हो । बार्सिलोनाले हाल विश्व फुटबलका स्तरीय खेलाडीलाई अनुबन्धन गरेको छ । लियोनल मेस्सी, एन्टोनी ग्रिजम्यान, लुइस स्वारेज जस्ता धेरै खेलाडीहरू हाल बार्सिलोनामा फुटबल जीवन बिताइरहेका छन् । बार्सिलोना आफ्नो क्लबमा यस्तै विश्वस्तरीय खेलाडी अनुबन्धन गर्ने योजनामा छ ।

बार्सिलोनाले पछिल्लो समय क्लबमा केही नयाँ खेलाडी अनुबन्धन गर्ने योजना बनाएको छ । बार्सिलोनाको योजना अनुसार हाल अर्जेन्टिनाका स्टार खेलाडी लाउरेटो मार्टिनेज पहिलो प्रथामिकतामा छन् । उनलाई क्लबमा भित्र्याउनका लागि कप्तान लियोनल मेस्सी स्वयम् लागेका छन् । उनले आफ्नै देशका सहकर्मीलाई क्लबमा भित्र्याउने कसरत गरेका छन् ।

तर, बार्सिलोनाले उनलाई भित्र्याउनु भन्दा पहिले युभेन्ट्सका स्टार खेलाडी पेजानिकलाई क्लबमा अनुबन्धन गर्ने योजना बनाएको छ । बार्सिलोनाको यो योजनाप्रति भने क्लबका समर्थकहरू राजी छैनन् । क्लबमा मिडफिल्डरको कमी नभएको अवस्थामा उनलाई भित्र्याउनु क्लबका लागि सकारात्मक नहुने उनीहरूको बुझाइ छ । तर, बार्सिलोनाको आगामी योजना भने हेर्न बाँकी छ ।

यदि बार्सिलोनाले पेजानिकलाई क्लबमा भित्रयाएमा मार्टिनेज अनुबन्धन गर्न असहज हुनेछ ।