कपिलवस्तुमा थप ६ वर्षीया बालिकामा कोरोना पुष्टि, देशभर संक्रमितको संख्या २४५ पुग्यो

काठमाडौं ।
नेपालमा थप दुई जनामा कोरोना संक्रमण पुष्टि भएको छ ।

काठमाडौंको चन्द्रागिरि निवासी ३२ वर्षीय पुरुष र कपिलवस्तु निवासी ६ वर्षीया बालिकामा कोरोना संक्रमण पुष्टि भएको हो ।

योसँगै नेपालमा कोरोना संक्रमित व्यक्तिहरुको संख्या २ सय ४५ पुगेको स्वास्थ्य तथा जनसंख्या मन्त्रालयले जनाएको छ ।

यता कपिलवस्तुमा कोरोना संक्रमितको संख्या ३९ पुगेको छ । बुधबार ९ जना संक्रमित थपिएकोमा विहीबार विहान एक जना थपिएका हुन् ।