कपिलवस्तुमा थपिएको थपियै कोरोना संक्रमित, थप ८ जनामा पुष्टि

मायादेवी अनलाइन, चारनम्बर ।
कपिलवस्तुमा फेरि ८ जनामा कोरोना संक्रमण पुष्टि भएको छ । भर्खरै स्वास्थ्य तथा जनसंख्या मन्त्रालयले दिएको जानकारी अनुसार जिल्लाका ८ जनामा कोरोना पुष्टि भएको हो ।

कपिलवस्तुमा कुल संक्रमितको संख्या ३८ पुगेको छ । दिउँसो मात्र कपिलवस्तु नगरपालिकाको वडा नं. ४ का एक पुरुषमा संक्रमण देखिएको थियो ।

यसैगरी कपिलवस्तुसंगै रुपन्देहीमा ९ जना पुरुष र तीन जना महिलामा कोरोना देखिएको छ । यस्तै पर्सामा ३ जना र नवलपरासीका १ जनामा कोरोना देखिएको छ । योसंगै नवलपरासीमा पहिलो पटक कोरोना देखिएको हो ।

प्रदेश ५ मा रहेका तराईका ५ जिल्ला मध्ये दाङ मात्र सुरक्षित देखिएको छ । अरु पाँच तराईका जिल्लामा कोरोना देखिएको छ ।