कपिलवस्तुमा पर्‍यो ‘सिल’को प्रभावः शसस्त्र प्रहरी खटिए फिल्डमा

मायादेवी अनलाइन, चारनम्बर ।
जिल्ला प्रशासन कार्यालय कपिलवस्तुले सोमबार साँझ ५ बजेदेखि सिल गरेपछि सुरक्षाकर्मी फिल्डमा खटिन थालेका छन् । दिउँसो मात्र प्रशासनले गरेको यो निर्णयको कार्यान्वयनमा सुरक्षाकर्मी फिल्डमा खटिएका हुन् ।

पिपरामा अवस्थित शसस्त्र प्रहरी बेस क्याम्पका प्रमुख चन्द्र खत्रीको कमाण्डमा वाणगंगाका विभिन्न क्षेत्रमा शसस्त्र प्रहरी खटिएका हुन् । आज पहिलो दिन नागरिकलाई सम्झाई, बुझाई गर्नका लागि फिल्डमा खटिएको खत्रीले मायादेवी अनलाइनलाई जानकारी दिनुभयो ।

प्रशासनले सिल गरेको थाहा पाएपनि नागरिकहरु विभिन्न काममा व्यस्त थिए । सरकारले पछिल्लो पटक थपेको लकडाउन पछि विकास र निर्माणका काम धमाधम सञ्चालन भैरहेका छन् । सोमबार पनि दिनभर निर्माणका काममा श्रमिक खटिएका थिए । तर, प्रशासनले साँझ ५ बजेदेखि जिल्लालाई सिल गरेपछि श्रमिकहरु धमाधम काम छाड्दै घर जान लागेका छन् ।

प्रशासन कार्यालयका अनुसार सोमबार साँझ ५ बजेदेखि जेष्ठ ५ गतेसम्मका लागि सिल गर्ने निर्णय गरेको छ ।