मायादेवी अनलाइन, तौलिहवा ।
कपिलवस्तुका १० पालिकाले संचालन गरेका १ हजार ७८८ क्वारेनटाइन बेडमा १ हजार ३७९ जना छन् । क्वारेनटाइनमा बसेकाहरु भारतका बिभिन्न शहरबाट फर्केकाहरु रहेको प्रशासन कार्यालयका प्रशासकीय अधिकृत मनोज सैनीले बताए ।
आइतवार साँझ ५ बजेसम्म जिल्लाका ७ नाकामा १८ सय ५४ जना अलपत्र छन् । कृष्णनगरमा ३ सय ३, हर्दौनामा २ सय ९६, मर्यादपुरमा ४ सय ५२, चाकरचौडामा १ सय ७६, हथिहवामा १ सय ६, भिल्मीमा ४ सय ११, बिजयनगरमा ८० जना रहेका छन् ।
त्यस मध्ये १ हजार ८ सय १६ जना कपिलवस्तुका र बाँकी ९ जिल्लाका हुन् । जसमा दाङका ७, प्युठानका ११, बर्दियाका एक बाँकेका एक, अर्घाखाँचीका २, सिन्धुपलाञ्चोकका एक, अछामका ५, कैलालीका ८ र रुपन्देहीका २ जना रहेका छन् ।
प्रतिक्रिया