बुद्धभूमी ५ चौरीमा आगलागी हुँदा एक घर जलेर नष्ट

मायादेवी अनलाइन, जितपुर ।

कपिलवस्तुको बुद्धभूमी नगरपालिका ५ चौरीमा आगलागी भएको छ । राजपुर चौरीमा रहेको एक घरमा आगलागी हुँदा लाखौको क्षती भएको छ । खाना पकाउन बालेको आगोे सल्कदा घर जलेर पूर्ण रुपमा नष्ट भएको छ ।

स्थानीय खिम बहादुर थापाको घरमा दिउँसो आगलागी भएको स्थानीय वर्षा लम्सालले बताउनुभयो । थापाको घर हिजोमात्र छाएर सकिएको थियो । दिउँसो भएको आगलागी स्थानीयको सहयोगमा करिव २ घण्टा पछि नियन्त्रणमा आएको थियो ।

आगलागीबाट मानविय क्षति नभए पनि घरमा राखिएका लक्ताकपडा, भाँडाकुडा, खाद्यान्न काठ लगायत गरी लाखौ बराबरको क्षति भएको छ । लकडाउनले समस्या परेका बेला घर जलेपछि उक्त परिवारको बिचल्ली भएको छ । कपिलवस्तुमा आगलागीका घटना बढेका छन् । यस अघि पनि जिल्लाका विभिन्न ठाउँमा आगलागीका घटना घटेका छन् ।