तौलिहवाको एक होटलमा भारतीय नागरिक मृत फेला

मायादेवी अनलाइन, तौलिहवा ।
कपिलवस्तु नगरपालिका– १ आनन्दबागस्थित होटल अरोमामा एक जना भारतीय मृत अवस्थामा फेला परेका छन् । २ महिनादेखि होटममा बस्दै आएका भारतको राजस्थानका ६० बर्षीय निर्भय सिंह मृत अवस्थामा फेला परेका हुन् ।

शनिवार बिहान ११ बजेतिर होटलमा सिंह मृत अवस्थामा फेला परेको प्रहरी नायब उपरिक्षक सुनील मल्लले बताए ।

घटनास्थलमा प्रहरी पुगेर मुचल्का बनाएको र शवलाई कपिलवस्तु अस्पतालमा पोस्टमार्टमका लागि लैजाने तयारी भएको उनले बताए ।

कामको शिलसिलामा मृतक सिंह होटलमा बस्दै आएका थिए । घटनाको अझै बिस्तृत बिवरण नआएको र अनुसन्धान भइरहेको प्रहरी नायब उपरिक्षक मल्लले बताए ।