पाल्न दिएको गाई काटेर खाएको आरोपमा तीन जना पक्राउ

रुपन्देही ।
बुटवल प्रहरीले गाई काटेर खाएको अभियोगमा ३ जनालाई नियन्त्रणमा लिएको छ । रुपन्देहीको देवदह नगरपालिका वडा नं १० भलुहीबाट उनिहरुलाई नियन्तरणमा लिएको हो । ज्ञान बहादुर केसीले पाल्न दिएको गाई काटेर खाएको जाहेरीका आधारमा देवदहका तीन जनालाई पक्राउ गरीएको प्रहरीले जनाएको छ ।

पक्राउ पर्नेमा राम प्रसाद पराजुली, सुक बहादुर परीयार र प्रदिप पुन रहेका छन । गाई काटने र खाने कार्यमा उनिहरको सम्लग्नता बारे अनुसन्धान भई रहेको ईलाका प्रहरी कार्यालय बुटवलका प्रमुख प्रहरी नायव उपरिक्षक भिमलाल भटराईले बताए ।

स्थानिय ज्ञान बहादुर केसीले राम प्रसाद पराजुलीलाई पाल्न दिएको माउ बाछी गाई हराएपछि खोज्दै जाँदा काटेर गाडेको अवस्थामा मंगलबार रोहीणी सामुदायिक बनमा फेला परेको थियो । हराएको भनिएको गाई र बाच्छी खोज्दै जादा एउटा खाडलमा गाईको माउ र अर्को खाडलमा बाच्छीको टाउको, खुट्टा र भुंडि फेला परेको थियो ।