‘मार्टिनेज इन्टरमा खुसी छन्’

एजेन्सी ।
पछिल्लो समय अर्जेन्टिनाका स्टार खेलाडी मार्टिनेजको अनुबन्धको चर्चा धेरै चलिरहेको छ । उनको बार्सिलोनासँगको अनुबन्धलाई जोडेर विभिन्न सञ्चारमाध्यम मिडियाहरूले चर्चा गरिरहेका छन् ।

यस्तो अवस्थामा इन्टर मिलानका उपाध्यक्ष हावियाई जिनेटीले अर्जेन्टिनाका तथा इन्टरका स्टार खेलाडी क्लबमै अहिले खुसी रहेको बताएका छन् । उनले मार्टिनेजको बार्सिलोनामा जाने चर्चा चले पनि यतै खुसी रहेको बताए ।

जिनेटी अर्जेन्टिनाका तथा इन्टर लिजेन्डरी फुटबलर पनि हुन् । उनले इन्टरमा १९९५ देखि २०१४ सम्म ६१५ खेल खेल्दै १२ गोल गरेका छन् । उनी डिफेन्डरको भूमिका निभाउँथे ।

“मार्टिनेजको कुरा गर्दा म जहिले पनि गहिरो सोचमा पर्छु । किनकि उनी अर्जेन्टिनाका स्टार खेलाडी हुन् । उनले २२ वर्षको उमेरमा फुटबल करियरमा धेरै गरिसकेका छन् । अहिलेको अवस्थामा उनी इन्टर मिलानमै खुसी छन्,” जिनेटीले भने ।