रुनीको मेस्सी र रोनाल्डोमाथि कडा टिप्पणीः रोनाल्डो हत्यारा, मेस्सी यातना दिने खेलाडी

मायादेवी अनलाइन ।
विश्व फुटवलमा अहिलेका सर्वाधिक चर्चित लियोनल मेस्सी र क्रिष्टियानो रोनाल्डोमध्ये को ठुलो ? भन्ने सवालमा वार्यन रुनीले दुवैको कडा टिप्पणी गरेका छन् ।
म्यानचेस्टर युनाइटेडका पूर्व खेलाडी समेत रहेका रुनीले दुवै खेलाडी श्रेष्ठ रहेको भन्दै रोनाल्डोलाई हत्यारा र मेस्सीलाई यातना दिने खालका खेलाडी भनेर टिप्पणी गरेका हुन् । रोनाल्डोसंगै बार्सिलोनाविरुद्ध खेलेका उनले सुरुमा मेस्सीको नाम लिँदै भनेका छन्–मेस्सी रोनाल्डोभन्दा माथिल्लो स्तरका खेलाडी हुन् तर रोनाल्डोको करियर मेस्सीकोभन्दा शानदार छ । दुवै श्रेष्ठ खेलाडी हुन् ।
रुनीले दुवैलाई हत्यारा र पीडादायक खेलाडी भनेर टिप्पणी गरेपछि खेल जगत् नै तरङगित भएको छ । उनले भनेका छन्, “रोनाल्डो वक्सनिर्मम हुन्छन्, एक हत्यारा जस्तै । मेस्सी वक्समा जुनसुकै खेलाडीलाई सर्वाधिक पीडा दिन्छन् । रोनाल्डोले अन्तिम १० सेकेण्डमा पनि गोल गरेर खेल उल्टाइदिन सक्छन् । मेस्सीले गोल नगरे पनि खेल बदल्न सक्छन् ।” उनले करियर र उपलब्धिको हिसाबले मेस्सीभन्दा रोनाल्डो उत्कृष्ट रहेको बताएका छन् । रुनीले मेस्सीलाई एक शानदार प्लेमेकर पनि भनेका छन् ।