पूर्वस्टार खेलाडी डेभिड भन्छनः रोनाल्डोभन्दा मेसी उत्कृष्ट

एजेन्सी ।
म्यान्चेस्टर युनाइटेड तथा रियल मड्रिडका पूर्वस्टार खेलाडी डेभिड बेकह्यामले युभेन्ट्सका स्टार खेलाडी क्रिस्टियानो रोनाल्डोभन्दा बार्सिलोनाका कप्तान लियोनल मेसी उत्कृष्ट भएको बताएका छन् ।

मेसी र रोनाल्डो विगत लामो समयदेखि विश्व फुटबलमा राज गरिरहेका खेलाडी हुन् । यी दुई खेलाडीले मात्र सर्वाधिक बालोन डी’ओर जितेका छन् । जसमा मेसीले सर्वाधिक ६ पटक यो अवार्ड जितेका छन् भने रोनाल्डोले पाँचपटक जितेका छन् ।

“मेसी क्लासिक खेलाडी हुन् । उनको खेल खेल्ने तरिका विश्व फुटबलमा सायदै कमै खेलाडीमा देखिन्छ होला । मैलै मेसीविरुद्ध पनि खेलेको छु । मेसीविरुद्ध पीएसजीका लागि खेलेको थिए । त्यो समय मेसीले उत्कृष्ट खेल खेलेका थिए । मेस्सीलाई उत्कृष्ट खेलाडीका रूपमा लिन्छु । यसको मतलब रोनाल्डो राम्रो खेलाडी होइनन् भन्ने पनि होइन,” बेकह्यामले भने ।

बेकह्यामले युनाइटेड छाडेको दुई वर्षपछि रोनाल्डोले ७ नम्बरको जर्सी लगाएका थिए । त्यसपछि रोनाल्डो रियलमा आउँदा पनि ७ नम्बरको जर्सी लगाएका थिए ।