प्रिमियर लिगको रेलिगेशन प्रभावित हुन सक्ने

एजेन्सी ।
कोरोना भाइरसको महामारीका कारण रोकिएको इंग्लिस प्रिमियर लिग फुटबलको यो सिजन पूरा नभएमा टिमहरु रेलिगेशन गर्न मिल्ने आधार आफूले नदेखेको ब्राइटनका मालिक टोनी ब्लूमले बताएका छन् ।

प्रिमियर लिगका २० क्लबबिच शुक्रबार बैठक भएको थियो । उनीहरुले जसरी भए पनि लिगका बाँकी सबै ९२ खेल पूरा गर्ने विकल्पमा छलफल गरेका थिए । तर पनि महामारी जारी नै रहेकाले अनिश्चितता कायमै छ ।

सिजनका बाँकी खेल पूरा नभएमा टिमलाई रेलिगेशन गर्न सम्भवना नदेखिएको ब्लूमले बताएका हुन् ।

शुक्रबारको बैठकमा क्लबहरुबिच जुन ८ देखि रोकिएको सिजन सुचारु गर्ने सम्भावनामा छलफल भएको थियो । यस्तै जुन ३० सम्ममा सिजन सक्ने तयारी पनि छ । तर त्यो सम्भव नभएका रेलिगेशन प्रभावित हुने देखिएको हो ।