अमेरिकामा कोरोनाबाट मर्ने र ग्रसित हुने बढेको बढ्यै, स्थिति भयावह

एजेन्सी ।

कोरोनाबाट अमेरिका सबैभन्दा बढी प्रभावित भएको छ । युरोपेली देशहरुमा कोरोना संक्रमण विस्तारै कम हुँदै गए पनि अमेरिकामा भने यसको दर बढेको बढ्यै छ । पछिल्लो २४ घण्टामा अमेरिकामा मृतकको संख्या ठुलै छ भने संक्रमित पनि थपिएका छन् ।

अमेरिकामा संक्रमितको संख्या ७ लाख ३८ हजार ६९७ संक्रमित रहेका छन् भने मृतकको संख्या ३९ हजार ११ पुगेको छ । ६८ हजार २६९ जनालाई उपचारपछि निको भएको छ । तर बन्द केसमा मृतकको प्रतिशत ३६ भएकाले पनि स्थिति डरलाग्दो देखिएको छ ।

सबैभन्दा प्रभावित न्यूयोर्क सहर भएको छ । त्यहाँ २ लाख ४१ हजार ४१ जना संक्रमित हुँदा १७ हजार ६७१ जनाको ज्यान गइसकेको छ । त्यसपछिको प्रभावित सहर न्यूजर्सी हो । न्यूजर्सीमा अहिलेसम्म ८१ हजार ४२० जना संक्रमित हुँदा ४ हजार ७० जनाको ज्यान गएको छ ।