विजयनगर गाउँपालिकाद्धारा एसईई रेडियो कक्षा सञ्चालन

प्रभात न्यौपाने, विजयनगर ।
कपिलवस्तुको विजयनगर गाउँपालिकाले एसईई परिक्षाको तयारी अबस्थामा रहेका बिद्यार्थीहरुका लागि रेडियो कक्षा सञ्चालन गर्ने भएको छ । बिहीबार बसेको शिक्षा समितिको बैठकले घरमा स्वअध्ययनमा रहेका बिद्यार्थीहरुका लागि पर्न सक्ने अप्ठेरोलाई मध्यनजर गर्दै रेडियोबाट पढाउने ब्यवस्था गर्न लागेको प्रमुख प्रशासकीय गोविन्द भट्टराईले जानकारी गराउनु भयो ।

गाउँपालिकामा रहेको एक मात्र सञ्चार माध्यम रेडियो विजयनगरबाट आइतबारदेखि हरेक दिन साँझ ४ः१० देखि ५ बजेसम्म कक्षा सञ्चालन गर्ने गाउपालिकाको तयारी रहेको छ । विजयनगर गाउँपालिकाको सहयोग तथा रेडियो विजयनगरको ब्यवस्थापन र प्राबिधिक सहयोगमा एसईइ तयारी कक्षा सुरु हुन लागेको प्रमुख प्रशासकीय अधिकृत भट्टराईले जानकारी दिनु भयो ।

यसबाट घरमा रहेका बिद्यार्थी प्रत्यक्ष लाभांबित हुने गाउँपालिकाले अपेक्षा लिएको छ । बिषय तथा बिषय शिक्षकहरुको ब्यवस्थापन विजयनगर गाउँपालिकाको शिक्षा शाखाले गर्ने छ । कक्षा सञ्चालनको लागि गाउँपालिकामा रहेका ६ वटा माबिका शिक्षक तयारी अबस्थामा राख्ने निर्णय भएको छ ।