प्युठानमा चिपर्ट प्रहार गरी श्रीमानको हत्या

प्युठान ।
प्युठानको मर्कावाङमा श्रीमतीले चिर्पटले श्रीमानको टाउकामा प्रहार गरी हत्या गरेकी छन् ।
माण्डवी गाउँपालिका–२ मर्कावाङकी ३५ वर्षीया निशाले श्रीमान् ४० वर्षीय गुमानसिंह अधिकारीको टाउकोमा चिर्पट प्रहार गरेकी हत्या गरेकी हुन् ।
दाङको बङ्गलाचुली गाउँपालिका–५ स्थित माइतीघर बस्दै आएकी पत्नीलाई लिन जाँदा दुवैबीच सामान्य घरायसी विवाद भएर श्रीमतीले दाउराको चिर्पटले श्रीमानको टाउकामा प्रहार गरेको बताइएको छ ।
श्रीमतीको प्रहारबाट गम्भीर घाइते अधिकारीको शुक्रबार राती उपचारका क्रममा कोहलपुर मेडिकल कलेज बाँकेमा मृत्यु भएको जिल्ला प्रहरी कार्यालय दाङले जनाएको छ ।