आज असिना-पानी, हावाहुरी र चट्याङको सम्भावना

काठमाडौँ ।

देशभरको मौसम आंशिकदेखि सामान्य बदली भएको जल तथा मौसम पूर्वानुमान महाशाखाले जनाएको छ । स्थानीय वायुको प्रभावका साथै पश्विमी वायुको प्रभाव रहेकाका कारण मौसम बदली भएको जनाइएको छ।

पूर्वी र पश्चिमी क्षेत्र साथै मध्यका पहाडी भू भागमा अहिले आंशिकदेखि सामान्य बदली रहेको भएको मौसमविदले बताएका छन् ।

शुक्रबार दिउँसो देशभर सामान्यतया बदली रहने छ । मध्य र पूर्वका केही स्थान तथा पश्चिमका थोरै स्थानमा मेघगर्जन र चट्याङ्ग तथा असिना र हावाहुरीसहित वर्षाको संभावना रहेको छ ।

राति पनि देशभर आंशिकदेखि सामान्य बदली रहने छ। पहाडी भूभागका थोरै स्थान र तराईको एक दुई स्थानमा मेघगर्जन र चट्याङ्ग तथा असिना र हावाहुरीसहित वर्षाको सम्भावना रहेको मौसमविदले बताएका छन् ।