कपिलवस्तुमा दुई पक्ष बीचको झडपले उग्ररुप लिदा आठ जना घाइते, पाँचको अवस्था गम्भिर

मायादेवी अनलाइन, चन्द्रौटा ।
कपिलवस्तुमा स्थानीय युवाहरु बीच झडप हुँदा झण्डै एक दर्जन घाइते भएका छन् । जिल्लाको बिजनयगर गाउँपालिका वडा नं. २ मौवादूधारमा विहीबार युवाहरु बीच झडप भएको हो ।

झडपले उग्र रुप लिदा ५ जना सिकिस्त घाइते भएको प्रहरीले जनाएको छ । हाम्रा कृष्णनगर सहकर्मी अजय मिश्रका अनुसार ५ जनालाई बहादुरगञ्जको शिवराज अस्पतालका सामान्य उपचार पछि बुटवल रिफर गरिएको छ । तीन जनाको भने शिवराज अस्पतालमै उपचार भैरहेको छ ।

मौवाको फुल टिप्ने विषयमा युवाहरु बीच झडप भएको बताइएको छ । घटना के कति कारणले भएको हो अनुसन्धान भैरहेको इलाका प्रहरी कार्यालय गणेशपुरका प्रहरी निरिक्षक मधु नेपालले बताउनुभयो ।