भरको दाहसंस्कार गर्न आर्थिक अभाव, श्रीमतीले गरिन सहयोगको याचना

मायादेवी अनलाइन, तौलिहवा ।
कोराना भाइरसको आशंकामा कपिलवस्तु अस्पतालमा उपचारका क्रममा मृत्यु भएका बिजयनगर गाउँपालिका– २ जलैयाका गर्भधन भरको आर्थिक समस्याका कारण दाहसंस्कार गर्न समस्या भएको छ। आईसुलशेनमा राखेर उपचारको क्रममा उनको मृत्यु भएको अस्पताल प्रशासनले जनाएको छ । उनको स्वाब परीक्षण पछि उनमा कोरोना भाइरसको संक्रमण रिपार्ट नेगेटिभ देखिएको छ।

लामो समयदेखि क्षयरोगका विरामी रहेका उनको क्षय रोग र निमोनियाका कारण मृत्यु भएको अस्पतालको भनाई छ । मृतक भरको परिवारको आर्थिक अवस्था कमजोर भएकोले दाहसंस्कार गर्न आर्थिक संकट परेको हो । श्रीमानको शव बुझ्न अस्पताल आएकी मृतककी श्रीमती चम्पाले आर्थिक अवस्थाले गर्दा दाहसंस्कार गर्न समते पैसा नभएको बताइन् । शव लैजान समेत पैसा नभए पछि आफन्तको सहयोगमा शव लान खोजेका थिए ।

आफूसंग भएको पाँच हजार श्रीमानको उपचारमा खर्च भएको उनले बताईन । ‘आफन्तको सहयोगमा अस्पतालबाट श्रीमानको शव उठ्यो तर दाह संस्कार गर्ने पैसा पुगेन’, उनले विलौना गाउँदै भनिन्, ‘अब परिवार कसरी पाल्नेरु मलाई जस्तो शत्रुलाई पनि नहोस् ।’

एक धुर जमिन सम्म नरहेका मृतक भरले गाउंमा ज्यालादारी गर्दै परिवार पालेका थिए । तर भरको मृत्यु भएपछि उनको परिवारमा ठुलो आर्थिक संकट परेको छ । आर्थिक संकटको यो घडीमा मृतक भरकी पत्नी चम्पाले काजक्रियाको कार्य सम्पन्न गराउन सबैसंग आर्थिक सहयोगका लागि याचना गरेकी छिन् ।

बिजयनगर गाउँपालिकाका प्रमुख गोपाल थापाले मृतक भर अति विपन्न परिवारको भएकोले मृतक भरको दाह संस्कार गर्न सहयोग गर्ने बताए । मृतक पविारलाई राहत स्वरुप गाउँपालिकाले २० हजार सायेग गर्ने उनले घोषणा छ ।