आजको मौसमः आंशिकदेखि सामान्य बदली

काठमाडौँ ।

देशका अधिकांश क्षेत्रको मौसम बुधबार आंशिकदेखि सामान्य बदली हुने जल तथा मौसम पूर्वानुमान महाशाखाले जनाएको छ ।स्थानीय वायुसँगै पश्चिमी वायुको पनि आंशिक प्रभाव रहेकाले मौसम आंशिकदेखि सामान्य बलदी हुने देखिएको मौसमविदले बताएका छन् ।

पश्चिमी क्षेत्र तथा पूर्व र मध्य पहाडी क्षेत्रमा अहिले आंशिकदेखि सामान्य बदलीको अवस्था रहेको छ।दिउँसो पश्चिमी क्षेत्रसहित पूर्वी तथा मध्य पहाडी भू–भागमा आंशिकदेखि सामान्य बदली हुने मौसमविदले बताउका छन् । बाँकी मौसम भने आंशिक बदली हुनेछ ।

पश्चिमका थोरै स्थान तथा पूर्वी र मध्य पहाडी भू–भागको एक–दुई स्थानमा मेघ–गर्जन र चट्याङ र हावाहुरीसहित वर्षाको सम्भावना रहेको छ।राति देशको पूर्वी तथा मध्य भू–भाग लगायत पश्चिम पहाडी भू–भागमा आंशिकदेखि सामान्य बदली रहने मौसमविदले बताएका छन् ।

बाँकी क्षेत्रमा आंशिक बदली हुने जनाइएको छ । पहाडी क्षेत्रका एक–दुई स्थानमा मेघ गर्जन र चट्याङ सहित वर्षाको सम्भावना रहेको मौसमविदले बताएका छन् ।