पत्रकार बेल्बासेको जन्मोत्सवः १५ वर्षदेखि रुखमुनी बसेको परिवारमा खुसी

मायादेवी अनलाइन, चार नम्बर ।
कपिलवस्तुलाई कर्मभूमि बनाएर लामो समय देखि पत्रकारिता गरिरहनु पत्रकार मोहन बेल्बासेले आफ्नो जन्मदिन फरक ढंगले बनाउनु भएको छ । समाजमा खर्चिलो र भद्धा तवरले जन्मोत्सव मनाउने प्रचलन रहेकोमा पत्रकार बेलबासेले भने अति विपन्न परिवारलाई राहत दिएर जन्मदिन मनाउनु भयो ।

नेपाल पत्रकार महासंघ कपिलवस्तुका सह सचिव बेल्वासेले जन्म दिनमा बाणगंगा नगरपालिकाको वडा नं. ६ का २ अति विपन्न परिवारलाई चामल, चिउरा, भुजा तेल, सावुन, नुन, हरियो तरकारी लागाएतका सामग्री वितरण गर्नुभएको थियो ।

बेलबासेले लक डाउनको बेला समाजमा ज्याला मजदुरी गरी खाने वर्ग सारै पीडित भए पनि आफू स्थायी रुपमा बसेको वडामा २ परिवार अति पीडित भएको पाइए पछि त्यहाँ राहत लिएर पुगेको उहाँको भनाई छ ।

उहाँका अनुसार ३८ वर्षिया ज्ञानी थरुनी सो वडामा १५ वर्ष देखि रुखको सहारामा बस्दै आउनु भएको छ भने सुकम्बसी बस्तीका बयोवृद्ध तेज बहादुर दमैको परिवारलाई हरेक दिन विहान साँझ छाक टार्न धौधौ हुने गर्दछ ।

लुम्बिनी दर्पण पत्रिकाका प्रकाशक समेत रहनुभएका बेल्बासेले पत्रकारहरु आफैमा समाज सेवामा रहे पनि जन्मदिनमा फरक सन्देश दिऊँ भन्ने लागेर आफूले ती परिवार पहिचान गरी सहयोग गरी जन्मदिन मनाएको बताउनु भयो । यसले उनीहरुलाई सधैको लागि राहत नभए पनि लक डाउनको बेला भने राहत दिएको बेलबासेको भनाई छ ।

बेल्बासेका अनुसार रुख मुनी वस्दै आएकी ज्ञानी थरुनी सुस्त मनस्थितिकी महिला पनि हुनहुन्छ । उहाँ गाउँमा एउटा ठुलो रुखमुनी सानो त्रिपालको झुपडी बनाएर १५ बर्षदेखि बस्दै आउनु भएको छ । उहाँले मागेर जिवन निर्वाह गर्ने गर्नुहुन्छ । लक डाउनमा पसल समेत बन्द भएको अवस्थामा उनको केहीदिनदेखि रोजिरोटी गुमेको बेलबासेले बताउनु भयो ।

यस्तै वृद्ध दमै परिवारमा समेत यति बेला सहारा दिने कोही नभएको र विहान साँझ छाक टार्ने केही नभएकोले आफूले जन्मदिनमा राहत बाँडिएको बताउनु भयो । राहत पाएपछि ती परिवार खुसी भएका छन् ।

उनीहरुले यो दुखमा पाएको सहयोगले ठुलो राहत मिलेको बताए । बेलबासेले ती २ परिवारमा अझैसम्म कुनै सहयोग दाता पुग्न सकेका छैनन् भने जनप्रतिनिधि पनि ती घरमा राहत लिएर पुग्न नसकेको दाबी गर्नुभयो । ती परिवारलाई आफूले बिभिन्न समयमा सहयोग गरिरहने पनि बेलबासेको प्रतिवद्धता छ ।