अर्घाखाँचीको सिद्धारामा भालुले मान्छे टोक्यो, एकजना घाइते

अर्घाखाँची ।
अर्घाखाँचीमा भालुको आक्रमणबाट एकजना घाइते भएका छन् । जिल्लाको शितगंगा नगरपालिका वडा नं. ९ छहरे गाउँमा भालुले मान्छे टोकेको हो । घाइते हुनेमा ५२ वर्षीय विरबहादुर विक रहेको ईलाका प्रहरी कार्यालय सिद्धाराका कार्यालय प्रमुख तथा प्रहरी सहायक चुलाही चौधरीले जानकारी दिनु भयो ।

सोमबार राती करिब ८ः३० बजे घरमा खाना खाई गोठमा जाने क्रममा विकलाई भालुले आक्रमण गरी सामान्य घाइते बनाएको हो । घाईते विक भालुबाट भाग्न सफल भएकोले बच्न सफल भएको बताईएको छ ।

सामान्य घाइते थापाको उपचारका लागि जिल्ला ठाडा स्वास्थ्य चौकीमा एम्बुलेन्सको व्यवस्था गरी लैजान लागेको शितगंगा न.पा. ९ का वडा अध्यक्ष भिम बहादुर केसीले बताउनु भयो । सिद्धार्थमा बेला बेला भालुले मान्छेलाई आक्रमण गर्दै आएको छ ।