लिभरपुलमा आर्थिक संकट, कर्मचारी कटौती गर्दै

एजेन्सी ।
इंग्लिस प्रिमियर लिगको शीर्ष स्थानमा रहेको क्लब लिभरपुलमा आर्थिक संकटमा परेको छ । कोरोना भाइरसको प्रभावका कारण लिभरपुल आर्थिक संकटमा परेपछि उसले आफ्ना खेलाडीबाहेक केही कर्मचारीलाई निश्चित समयको बिदा दिएर घर पठाउने भएको छ ।

यसरी जागिरबाट बिदा पाउने ती कर्मचारीले क्लबमार्फत केही नपाए पनि सरकारको रोजगारी सुरक्षा योजना अन्तर्गत ८० प्रतिशत तलब पाउन सक्नेछन् ।

अहिले कोरोनाका कारण युरोपका अधिकांश क्बलहरु आर्थिक संकटमा छन् ।

प्रिमियर लिगबाहेक अन्य क्लबले खेलाडीको तलब कम गरेर अन्य कर्मचारीलाई शतप्रतिशत तलब दिने योजना बनिरहँदा लिभरपुलले भने कर्मचारी निस्कासन सुरु गरेको हो । तर, लिभरपुलको यस्तो निर्णयको विरोधहरु पनि भइरहेको छ ।