वाणगंगा ढोडेकोलः छोरी बलात्कार आरोपित बाबुद्धारा प्रहरी हिरासतमै आत्महत्या !

मायादेवी अनलाइन, चारनम्बर ।
आफ्नै छोरी बलात्कार आरोप लागेका कपिलवस्तुका एक व्यक्तिले प्रहरी हिरासतमा आत्महत्या गरेका छन । कपिलवस्तुको वाणगंगा नगरपालिका वडा नं. ८ ढोडेकोल बाडीगाउँ सुकुम्बासीबस्तीका ती व्यक्तिले इलाका प्रहरी कार्यालय पिपराको हिरासतमा आत्महत्या गरेको बताइएको छ ।
अनुसन्धानकै क्रममा प्रहरी हिरासतमा रहेका ती व्यक्तिले अचानक आत्महत्या गरेका हुन् । उनले के कति कारणले आत्महत्या गरेका हुन यो खुल्न सकेको छैन । छोरी बलात्कारको आरोप लागेपछि ती व्यक्तिलाई गत फाल्गुण २३ गते प्रहरीले नियन्त्रणमा लिएर अनुसन्धान चलाएको थियो ।
यो विषयमा अनुसन्धान भैरहेको इलाका प्रहरी कार्यालय पिपराले जनाएको छ ।