कोरोना अपडेटःविश्वभर ४७ हजार बढीको मृत्यु, एकै दिन ७६ हजार नयाँ संक्रमित

एजेन्सी । विश्वव्यापी महामारी कोरोना भाइरस अर्थात् कोभिड नाइन्टिनको संक्रमणबाट एकै दिनमा झण्डै ५ हजार जनाको मृत्यु भएको छ। विश्वभर एकै दिन ७६ हजार नयाँ संक्रमित भेटिएका छन्। एजेन्सीहरुका अनुसार अमेरिकामा विगत २४ घण्टामा १ हजार भन्दा बढीको मृत्यु भएको छ। विश्वभर अहिलेसम्म कोरोना भाइरसका कारण ४७ हजार १८९ जनाको ज्यान गएको छ । यस्तै अहिलेसम्म विश्वभर संक्रमितको संख्या ९ लाख ३५ हजार ११४ रहेको छ । यसैगरी अहिलेसम्म एक लाख ९३ हजार ९८९ जना निको भएर घर फर्किएका छन् । फ्रान्समा हिजो एकै दिन ५ सयको मृत्यु भएको छ। बेलायतमा साढे ५ सय जनाको मृत्यु भएको छ। विश्वभर कोरोना भाइरसबाट संक्रमित हुनेको संख्या ९ लाख ३० हजार भन्दा बढी पुगेको छ। जसमध्ये झण्डै २ लाख मानिस उपचारपछि निको भएका छन् भने मृत्यु हुनेको संख्या झण्डै ४७ हजार पुगेको छ।