काठमाडौँ ।
कोरोना भाइरसको संक्रमणले विश्वको शक्ति राष्ट्र अमेरिकालाई पनि हायल कायल पारेको छ । अमेरिकामा कोरोना भाइरसको संक्रमणबाट हालसम्म झण्डै २५ सय मानिसको मृत्यु भएको छ ।
कुल १ लाख ४२ हजार १ सय ७८ जनामा कोरोना भाइरसको संक्रमण पुष्टि भएको अमेरिकामा त्यस मध्येका २ हजार ४ सय ८४ जनाको मृत्यु भइसकेको छ ।
१ लाख ३५ हजार १ सय ३५ जना अहिले उपचाररत छन् । त्यस मध्येका पनि २ हजार ९ सय ७० जनाको अवस्था गम्भीर रहेको छ ।
कोरोना भाइरसका संक्रमणदर विश्वभरका मुलुक मध्ये अमेरिकामा सबैभन्दा धेरै देखिए पनि मृत्युका हिसाबले इटाली सबैभन्दा धेरै प्रभावित छ । त्यहाँ १० हजार ७ सय ७९ जनाको कोरोना संक्रमणका कारण मृत्यु भएको छ ।
प्रतिक्रिया