सामाजिक सञ्जालमा प्रहरी र नेतालाई गाली गर्ने कपिलवस्तुका एक युवा पक्राउ

कपिलवस्तु ।
सामाजिक सञ्जाल फेसबुकमा प्रहरी र नेतालाई गाली गरेको आरोपमा कपिलवस्तुको मायादेवी गाउँपालिका–१ पकडीचोकबाट एक जना युवा आइताबार बिहान पक्राउ परेका छन् । मायादेवी गाउँपालिका १ ईमिलीयाका सफिक खानलाई ईलाका प्रहरी कार्यालय पकडीले नियन्त्रणमा लिएको हो ।

पकडी चोकमा मोबाईल पसल सञ्चाल गर्दै आएका खानले प्रहरीलाई चुतिया र नेतालाई चोर भनी शनिबार राति ६ बजेर ५९ मिनेटको सयममा आफनो फेसबुक वालमा पोस्ट गरेका थिए। कोरोनाका विषयमा आक्रोसित भएर उनले सो पोष्ट गरेका थिए। खानलाई जिल्ला प्रहरी कार्यालय पठाईएको छ ।
पक्राउ परेका खानसंग सोधपुछ र अनुसन्धान भईरहेको प्रहरी नायब उपरिक्षक सुनिल मल्लले बताए ।