कारोनाबारे अफवाह फैलाउने १७ सञ्‍चारमाध्यमलाई कारवाही

काठमाडौं ।
प्रेस काउन्सिल नेपालले अपुष्ट समाचार प्रवाह गरेको भन्दै १७ सञ्चारमाध्यमलाई कारवाही गरेको छ। जनस्वास्थ्य सम्बन्धी भ्रामक र उत्तेजक शीर्षक राखी अपुष्ट समाचार सम्प्रेषण गरेको भन्दै कारवाही गरेको हो । अनलाइन, टिभी र पत्रिका गरी काउन्सिलले ती मिडियालाई कारवाही गरेको काउन्सिलका कार्यबाहक अध्यक्ष किशोर श्रेष्ठले जानकारी दिए ।

पत्रकार आचारसंहिताविपरीत ती सामग्री हटाउन निर्देशनसमेत दिएको उनले बताए। कारवाहीमा परेका सञ्चारमाध्यमहरुलाई २४ घण्टे स्पस्टीकरणसमेत सोधिएको छ । यस्तै, दर्ता नभई सञ्चालित ७ वटा अनलाइनको प्रसारण नेपालभरि हेर्नै नमिल्नेसमेत बताइएको छ । प्रेस काउन्सिलले कोरोना भाइरस संक्रमण सम्बन्धमा सबै किसिमका सञ्चारमाध्यम र सञ्चारकर्मिका लागि ९ बुँदे निर्देशिका समेत जारी गरेको थियो ।