गुरुकुलका विद्यार्थीलाई बजाजद्धारा टिभि हस्तान्तरण

मायादेवी अनलाइन, चारनम्बर ।
केदारनाथ बजाज शोरुम बैरियाले सँस्कृत विद्या पिठ गुरुकुल नन्दनगरमा एकथान टिभि हस्तान्तरण गरेको छ । शोरुमका प्रोप्राइटर विष्णु पाठकले गुरुकुल मै पुगेर एलईडी टिभि एक थान हस्तान्तरण गर्नुभएको हो । उहाँले आफनो जन्मदिन परेको अवसरमा गुरुकुलका विद्यार्थीले हिन्दु संस्कार जोगाइराखेको प्रति खुशी व्यक्त गर्दै टिभि हस्तान्तरण गरेको बताउनुभयो ।
सामाजिक उत्तरदायित्व अन्तरगत वर्षेनी केदारनाथ बजाज शोरुमले विद्यार्थीलाई शैक्षिक सामाग्री प्रदान गर्दै आएको थियो । यसवर्ष गुरुकुलका विद्यार्थीलाई हिन्दु परम्परा र सँस्कृतिलाई जोगाइराखेको प्रति खुशी व्यक्त गर्दै सहयोग हस्तान्तरण गरेको विष्णु पाठकले बताउनुभयो ।
नैतिक शिक्षाको दिनप्रतिदिन महत्व बढ्दै गइरहेको बेला गुरुकुलका विद्यार्थीले लिइरहेको शिक्षाले आफुलाई प्रेरणा मिलेको समेत पाठकले बताउनुभयो । टिभि हस्तान्तरण कार्यक्रममा गुरुकुलका अध्यक्ष दयाराम पौडेल र वडा नम्बर २ का अध्यक्ष विष्णु प्रसाद पौडेल, गुरुकुलका शिक्षक, विद्यार्थी लगाएतको उपस्थिती रहेको थियो ।