एकल महिलालाई नेतृत्व तथा क्षमता अभिबृद्धि तालिम

मायादेवी अनलाइन, चारनम्बर ।
एकल महिलाको लागि २ दिने नेतृत्व तथा क्षमता विकास तालिम सुरु भएको छ । वाणगंगा नगरपालिका वडा नम्बर २ को आयोजनामा वडा भित्रका एकल महिलाको नेतृत्व विकासका लागि तालिम आयोजना गरिएको हो ।
तालिमको उद्घाटन गर्दै वडा नम्बर २ का वडा अध्यक्ष विष्णु पौडेलले एकल महिलाको नेतृत्व विकास गरी अगाडी बढाउन तालिम संचालन गरिएको भन्दै तालिममा अनुशासित भएर सहभागी हुन आग्रह गर्नुभयो ।
उहाले अझै पनि समाजमा एकल महिलाहरुलाई हेर्ने दृष्टीकोणमा परिवर्तन आउन नसकेको भन्दै एकल महिलाले पनि अब आफ्नो क्षमता बृद्धी गर्नुपर्नेमा जोड दिनुभयो । कार्यक्रममा वडाका ५५ जना एकल महिला सहभागी छन् । वडा सदस्य टिकाकुमारी अधिकारीको स्वागत मन्तब्य रहेको कार्यक्रमको संचालन वडा सचिव नरेन्द्र प्रसाद पोख्रेलले गर्नुभएको थियो ।