साढे १८ किलो चरेससहित कपिलवस्तुमा ३ जना पक्राउ

मायादेवी अनलाइन, जितपुर ।
साढे १८ किलो चरेस सहित कपिलवस्तुमा ३ जना पक्राउ परेका छन् । जिल्लाको शिवराज नगरपालिका ५ रहरकोट बाट उनीहरुलाई पक्राउ गरिएको हो ।
शिवराज ५ रहरकोटमा खटिएको बिशेष टोलीले चेँकजाँच गर्दा उनीहरुको साथबाट ठूलो परिमाणमा चरेस बरामद गरेको हो । पक्राउ पर्नेमा दाङ हसीपुर गाउँपालिका वडा २ निवासी ३१ वर्षका रामतुल मिया, दाङ राप्ती गाउँपालिका वडा १ लम्तिया बस्ने ४१ वर्षका जितमान मिया र रोल्पा सुनछहारी गाउँपालिका २ निवासी ४१ बर्षीय जपी बुढा रहेको जिल्ला प्रहरी कार्यलय कपिलवस्तुले जनाएको छ । उनीहरुलाई नियन्त्रणमा लिइ अनुसन्धान भैरहेको प्रहरीले जनाएको छ ।